Наьна метта ди

Тахан вай мехка дезду доккха ц1ай — Наьна метта ди. Мотт — халкъа са да.
Ший къаман мотт хар, 1омабар, д1ахо дег1абоалабар — х1ара г1алг1ачун декхар да. Наьна метта хьал тоадара къахьегаш хила беза 1илманхой а, хьехархой а, общественни болхлой а.
Эггара нийсаг1а аьлча, х1ара саго ший ц1енъюкъе массаза бувца беза ший боча наьна мотт! Наьна мотт бувцарга,1омабарга, к1оарга харга хьежжа тоалургда вай меттацара хьал.
Вай даьша, кхойтта шера мехках баьха, хало, 1азап т1акхачарах, биц а ца беш , вайга кхачийтад из «къаман жовхьар»- г1алг1ай мотт!
Ц1аккха а ма лакъалба къаман са бухдувла хьаст!